الساده الاعضاء و زوار منتديات المهندسين العرب الكرام ,
, مشاهده القنوات الفضائيه بدون كارت مخالف للقوانين والمنتدى للغرض التعليمى فقط
 |
|
|
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
30/8/2008, 12:41 PM
|
|||||||||||
|
|||||||||||
موسوعه صلاح جــــــــــــــــاهين
اسمه الحقيقي محمد صلاح الدين بهجت أحمد حلمي
• ولد في 25 ديسمبر 1930 فى شارع جميل باشا بحي شبرا. • والده المستشار بهجت حلمي الذي تدرج في السلك القضائي بدءًا من وكيل نيابة حتى عُين رئيساً لمحكمة استئناف المنصورة. • التحق بكلية الحقوق بناء على رغبة والده، ودرس في ذات الوقت في كلية الفنون الجميلة دون علم والده لفترة قصيرة، ثم ترك الدراسة بأكملها وانغمس في العمل الصحفي. • التحق بروز اليوسف وعمل سكرتير تحرير وظل يرسم بشكل سري إلى أن اكتشفه "أحمد بهاء الدين" -الرجل الثاني بالمجلة وقتها- فأفرد له صفحة كاملة أسبوعيا. • كتب عددا كبيرا من الأغاني الوطنية وارتبط اسمه بثورة يوليو ومغنيها "عبد الحليم حافظ" وذاعت شهرته من خلال بعض الأغاني مثل "صورة" "السد العالي" وغيرهما. • كتب السيناريو والحوار لعدة أفلام مثل "خلّي بالك من زوزو"، "أميرة حبي أنا"، "شفيقة ومتولي" و"المتوحشة" كما شارك في إنتاج أفلام "أميرة حبي أنا"، "عودة الابن الضال"، وشارك بالتمثيل في عدة أفلام منها "شهيد الحب الإلهي" عام 62 و"لا وقت للحب" عام 63 و"المماليك" في عام 1965. • توفي في 21 أبريل عام 1986. 
|
|
30/8/2008, 12:43 PM
|
رقم المشاركة : ( 2 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
ضريح رخام فيه السعيد اندفن
و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! |
||||
|
|
|
30/8/2008, 12:44 PM
|
رقم المشاركة : ( 3 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
أنا شاب لكن عمري ألف عام
وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي |
||||
|
|
|
30/8/2008, 12:45 PM
|
رقم المشاركة : ( 4 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
ياما صادفت صحاب و ما صاحبتهمش
و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! |
||||
|
|
|
30/8/2008, 12:45 PM
|
رقم المشاركة : ( 5 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
انا كل يوم أسمع ........ فلان عذبوه
أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! |
||||
|
|
|
30/8/2008, 01:36 PM
|
رقم المشاركة : ( 6 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
رباعيات صلاح چاهين
خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! |
||||
|
|
|
30/8/2008, 01:37 PM
|
رقم المشاركة : ( 7 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
رباعيات صلاح چاهين
أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! |
||||
|
|
|
30/8/2008, 01:38 PM
|
رقم المشاركة : ( 8 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
رباعيات صلاح چاهين
ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! |
||||
|
|
|
30/8/2008, 01:39 PM
|
رقم المشاركة : ( 9 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
رباعيات صلاح چاهين
شاف الطبيب جرحي وصف له الأمل وعطاني منه مقام يا دوب ما اندمل مجروح جديد يا طبيب و جرحي لهيب ودواك فرغ مني .... و إيه العمل عجبي !!! أعرف عيون هي الجمال و الحسن و اعرف عيون تاخد القلوب بالحضن و عيون مخيفة و قاسية وعيون كتير وباحس فيهم كلهم بالحزن عجبي !! إيش تطلبي يا نفس فوق كل ده حظك بيضحك و انتي متنكده ردت قالت لي النفس : قول للبشر ما يبصوليش بعيون حزينة كده عجبي !! إقلع غماك يا تور وارفض تلف إكسر تروس الساقية و اشتم وتف قال : بس خطوة كمان .. وخطوة كمان يا اوصل نهاية السكة يا البير تجف عجبي !!! يا حزين يا قمقم تحت بحر الضياع حزين أنا زيك و إيه مستطاع الحزن ما بقالهوش جلال يا جدع الحزن زي البرد ... زي الصداع عجبي !!!! في يوم صحيت شاعر براحة و صفا الهم زال و الحزن راح و اختفي خدني العجب و سألت روحي سؤال أنا مت ؟ و لا وصلت للفلسفة |
||||
|
|
|
30/8/2008, 01:40 PM
|
رقم المشاركة : ( 10 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
رباعيات صلاح چاهين
الفيلسوف قاعد يفكر سيبوه لا تعملوه سلطان و لا تصلبوه ما تعرفوش إن الفلاسفه يا هوه اللي يقولوه بيرجعوا يكدبوه عجبي !!! علي بعد مليون ميل من أرضنا من الفراغ الكوني بصيت أنا لا شفت فرق بين جبال و بحور و لا شفت فرق ما بين عذاب أو هنا عجبي !! إنسان أيا إنسان ما أجهلك ما أتفهك في الكون و ما أضألك شمس وقمر و سدوم و ملايين نجوم و فاكرها يا موهوم مخلوقه لك عجبي !! نظرت فوق للنجوم و انا ساير رجليا عترت في الحفر و الحجاير بقيت أقول و انا ع التراب: يا سلام مش بس عبره أخذت لكن عباير عجبي !!! - يا نجم .. نورك ليه كده بيرتجف ؟ هو انت قنديل زيت ؟ أو تختلف - أنا نجم عالي .. بس عالي قوي و كل ما انظر تحت اخاف انحدف عجبي !!!! السم لو كان في الدوا منين يضر ؟ و الموت لو عدونا .. منين يسر؟ حط القلم في الحبر و اكتب كمان .. و العبد للشهوات .. منين هو حر؟ عجبي |
||||
|
|
|
30/8/2008, 08:09 PM
|
رقم المشاركة : ( 11 ) | ||||
|
صديق المهندسين
|
رد: موسوعه صلاح جــــــــــــــــاهين
السلام عليكم ورحمه الله وبركاته
اخى الكريم فارس العيادى اولا لا اجد كلام اشكرك عليه وعلى هذا المجهود انا سعيد جدا ان اطلع على الذى اطلعت عليه حضرتك واشكرك لاختيارتك البديعه حقا اختيارك للشاعر الكبير احمد فؤاد نجم ثم بيرم التونسى هذا فى حد ذاته شىء رائع حقا لا يخرج الا من انسان متذوق للشعر يفهم ما يقراء ويقراء ما يفهمه صدقنى اعجز عن الشكر بارك الله لك وفيك |
||||
|
|
|
31/8/2008, 01:39 PM
|
رقم المشاركة : ( 12 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
شكرا اخى هشام على المرور الكريم
|
||||
|
|
|
29/10/2008, 06:17 PM
|
رقم المشاركة : ( 14 ) | ||||
|
مـهـند س مـحـتـرف
|
رد: موسوعه صلاح جــــــــــــــــاهين
شكرا اخى على المرور الكريم
|
||||
|
|
|
2/11/2008, 10:08 PM
|
رقم المشاركة : ( 15 ) | ||||
|
مـهـند س مـاسـي
|
رد: موسوعه صلاح جــــــــــــــــاهين
تسلم يا غالى
|
||||
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
العرض المتطور
