|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||||
|
|||||||||||
ارحل ياعم
شعر جمال الزغبى جمال باشا ارحل ياعم لو عندك دم مش عاوزينك يلّه اتلم خلاص قرفنا وشوفنا الغم ناس جعانه وناس تعبانه وناس بتشحت عاوزين مَمْ حتى ولدْنا من طول سهادْنا حملوا الهم تلاتين عام واحْنا بنسمع أحلى كلام هتغدّينا لحم حمام وتعشّينا بلح الشام يعنى هتبقى العيشه تمام بس اسْتنّوا واسْتنّينا وبنسْتنّه يمكن يِجى اليوم نتْهنّه وقلت متمْشوا حسب السنّه شويّة صبر كمان ياخْونّه وحتّى كمان هتخشوا الجنّه قلنا هنسمع كل كلامك قلنا هنصبر ويّا جنابك وأتارى الصبر ده لينا وبس وعمره ماداقوا يوم ولاحس عمّال تكنس عمّال تكنز وتْرص فلوسك مش لاحِق رص حتى ولادك نازلين حش انت ياعم انت أهم واحْنا انْ شا الله هناكل قش انت ياخويه من عهد جدودى وعهد ابويه عمّال توعد كل وعودك طلعت غش حرب اكتوبر والضربه الاولى مش معقوله نعيش علْ ماضى والجيب فاضى مش معقوله نعيش على فش |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~