رمضان كريم ... رمضان مختلف

[محمد السنى]

كل سنة وانتم طيبين
انا كاتبة الموضوع ده واحنا مقربين على شهر رمضان المبارك باذن الله

عشان يكون رمضان السنة دي حاجة مختلفة

بمعنى اننا كل سنة بنستنى الشهر ده عشان بنحس اننا بنتقرب في من ربنا وبنسيطر على نفسنا وبنتغلب على الشيطان ، ودي حاجة جميلة جدا بس احنا عايزين نعمل اكتير من كده ونستمر على كده حتى بعد رمضان..

في احدى محاضرات عمرو خالد سمعتها من سنتين تقريبا ، قال فيها حاجة حلوة انا استفدت منها وياريت كلكم تستفيدوا منها .

الحاجة دي ان من ضمن استعددنا للشهر الكريم ده نفكر في عادة او خصلة وحشنة فينا مدايقانا ونفسنا نتخلص بجد منها ، مثلا الكذب ، واحد بيكذب ونفسه يبطل كذب بس مش عارف ازاي
واحدة بتنم كتير ونفسها تبطل كلام في سيرة الناس وغيرها من الصفات السلبية اللي بتأثر في شخصيتنا وتعاملنا مع الناس.

نحدد الصفة دي ونلتزم بالابتعاد عنها طول الشهر الكريم ، ونقارن بين حياتنا قبل وبعد طبعا هتحسوا بالفرق ان شاء الله ، وهتحسوا براحة نفسية وراحة بال لان بطبع كل انسان لما يعيش صح ، ويمشي دوغري بيحس براحة وامان.

ومش هقول اكتر من عادة او صفة كفاية انك تستفيد من كل رمضان انك تتخلص من عادة سيئة وحدة ، وانا جربت الموضوع ده وياريت تحاولو وتحسوا بالفرق.

جزاكم الله خير وجعل ايامكن كلها خير وبركة وراحة واطمئنان

وكل سنة وانتم طيبين وربنا يعود علينا ايام رمضان المباركة دي بخير ونعمل فيها كل مانقدر نعمله من حاجة كويسة ومتنسوش الدال على خير كفاعله