اهداء للاخ احمد احمد والمنتدى الغالى

[الطحانe]

اليكم طرق القياس للقطع الالكترونية عن طريق الافو وهذا العمل من ابداع اخ عزيز وعملاق صيانة
جعلة اللة فى ميزان حسناتة وهو اخ صعيدى الحاج هانى لة منى كل التقدير والاحترام




فوق في المنتصف زورار on \ off بعد كده احنا عندنا هنا فى الأفو( ألأفوميتر) السلك الأحمر ده الموجب والسلك الأسود ده السالب الأفو ده جواه أكتر من جهاز فى بعض وبختار بينهم بواسطه المؤشر ألى فى النصف
عندنا جواه ohmeter ده لقياس المقاومه وله تدريج هتلاقيه كاتب لك عن كل حته على التدريج أقصى قيمه مقاومه يمكن قياسها لما توقف الذراع عليها هتلاقى زى الصوره ألى فوق ديه التدريج الخاص بقياس المقاومات هتلاقيه راسم عليه رمز ohm سهم رقم(2) يعنى معنى الكلام ده انى ممكن مستخدمش الألوان واقيس المقاومه بالجهاز ده في سؤال بيطرح نفسه هل يمكن قياس المقاومة وهي داخل الدائرة بالتاكيد لا لان المقاومة وهي داخل الدائرة من الممكن ان تكون موصله على التوازي مع مقاومة اخرى او اي عنصر اخر وفي هذه الحالة سوف تكون قيمة المقاومة المقاسة خطاء والحل هو عند قياس مقاومة يجب نزع احد اطراف هذه المقاومة من الدائرة

2- DC voltmeter :-

وده معناه قياس الجهد المستمر او الثابت زي مثلا خرج دائرة الباور ودخل الدائرة الاساسية
و هتلاقيه كاتب لك عليه وبيقيس الجهد ال DC طيب انا لو عندى دائره وعاوز أقيس فرق الجهد على مقاومه نوصل الفولتميتر أزى ؟؟ بيتوصل توازى مع المقاومة او العنصر المراد قياس فرق الجهد علية وفي الرسم السهم الذي يحمل الرقم (1) هو موضع المؤشر لقياس الجهد المستمر

3- AC voltmeter :-
لقياس الجهد المتردد يعنى ممكن يقيس فرق الجهد ألى فى بيوتنا بس فلازم تاخد بالك انك تقف على التدريج الصح ومتعملش فيها ناصح وتقيس وانت واقف على تدريج ال DC voltmeter لان ساعتها يا حلو حتحصل قفله في الشقة فلازم تاخد بالك انك تقف على التدريج الصح ديه مهمه جداً وعلى كام بالظبط على
مثلا متقفش على التدريج مكتوب عليه200 فولت AC وتروح تقيس بيه 220فولت AC ويتم قياس به دخل دائرة الباور مثلا والجهد على مكثف الباور وموحدات الدخل وهكذا ويشار الية في الرسم بالسهم رقم (3)
4- DC Ammeter :-
يستخدم لقياس التيار الثابت ويوصل فى الدائره مع العنصر على التوالي وفي الرسم سهم يحمل رقم (4)

5- لقياس موحد

لقياس موحد او زنر فيتم ضبط المؤشر على في وضع السهم رقم (8)وفي هذه الحالة الدايود يقرا في اتجاة ويعطي مالانهاية في الاتجاة الاخر
6 - لمعرفه open and short circuit ؟؟؟

أحياناً بعد اللحام بتكون فى اماكن متلحمتش كويس او مش ملحومه خالص طيب لو مش ملحومه تبقى open circuit يعنى دائره مفتوحه طيب ازاى نعرف الاماكن غير جيده التوصيل او الغير موصله أصلا عن طريق الأفوميتر برضو هتلاقى عندك خانه على الأفو مرسوم عليها علامه موسيقيه او مرسوم عليها بوق خارج منه كام شرطه وانا واضعها في الرسم سهم رقم (9)انت وقف المؤشر عنده ووصل طرفى الأفو مع بعض هتسع صوت صفاره ده بيدل انه تم عمل short circuit على طرفى الأفو طيب عندنا خط توصيل نقطتين ملحومين عليه والمفروض أنهم متصلين مع بعض يبقى نحط عند كل نقطه منهم طرف من طرفى الأفو ولو همه ملحومين ومتوصلين كويس يبقى الأفوميتر هيطلع صوت ولو مش ملحومين كويس او مش ملحومين يبقى الأفو مش هيطلع صوت يبقى تعيد اللحام تانى وده برضوا بنستخدمه بعد ما بنخلص اى دائره ونخلص لحامها لازم نختبر نقاط التوصيل واللحام بتعنا بالطريقه ديه ولو انت عملت دائره ومشتغلتش ده بيكون او حاجه تختبرها تشوف الأول توصيلاتك مظبوطه وبعد كده تجرب التوصيلات بالأفوميتر

يارب اكون قدرت اوصل المعلومة

مع خالص تمنياتى بالتوفيق
ملحوظة هامة -----مع تعدد اشكال اجهزة الافو ميتر ولكن النظرية واحدة والعلامات الموجودة بالاسهم فى الصورة المرفقة شكلها واحد فى كل الاجهزة حتى لو اختلف المكان على الجهاز


الطحان \ المنيا

[احمد احمد]

انت مبدع قسم الصيانة نرفع القبعة لك تحياتى لك اخى الطحان

[الطحانe]

المشاركة الأصلية كتبت بواسطة احمد احمد

انت مبدع قسم الصيانة نرفع القبعة لك تحياتى لك اخى الطحان

ولك كل التحية والتقدير يا عزيوى فانت حقا رجل محترم

[tiger2000]

بارك الله فيك اخي

[جورج تادرس]

مشكوووووووووور اخي

[احمد المصرى 74]