|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||||
|
|||||||||||
الطريق الدائري
الطريق الدائري
الطريق الدائري جميل منظر النيل.. من ع الدائري.. والنسمة اللي بتقدر تفوت.. سرقة كده من وسط البيوت.. بس يا ريت بقي.. حد يلحق الشجرة الكبيرة.. قبل ما تدبل وتقع وتموت.. أسند علي سور الكوبري الحديد.. وأحلم وأسرح بعيد.. يصحيني صوت عربيات شايلة كراتين.. أغني هلت بشاير الدعم.. يا حلاوة بطاقة التموين.. بس من إمتي السكر والسمن.. بيمشوا ف حراسة الأمن.. وتحت عيون المخبرين.. قلت يا واد اقطع الشك باليقين.. سألت واحد م السواقين.. سكر ده يا حاج.. قاللي ده مر متعبي ف شوية قوانين.. قلت خير برضه.. يمكن عشان نحارب الفقر والجهل.. ويرجع تاني يطلع الفرح سهل.. م القلب الحزين.. أم يمكن عشان الاحتكار.. وحدوتة الأسعار.. والتجار الطماعين.. أو يمكن عشان الصحة والتعليم.. والطفل اليتيم.. وحقوق المعاق قبل السليم.. أخيراً بقينا بني آدمين.. لكن لما سمعت صوت بيقول.. إنت ياض يا اللي هناك.. يا زفت الطين.. عرفت إن ده كله عشان نخاف.. ونخاف ونخاف.. أكتر ما إحنا خايفين.
|
6/5/2011, 02:50 PM | رقم المشاركة : ( 2 ) | ||||
كبار الشخصيات
|
رد: الطريق الدائري
لك كل الشكر والتقدير
|
||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~