طلب استفسار عن بعض الاشياء فى الباور

[حسنى ايمن]

الرجاء ترانسستور tl 431 اللى فى الباور كيف اعرف انه تالف هل بالقياس او شئ اخر ---وازاى اعرف ان سيليكونات خط مثلا 3.3 او 20 او غيرهم تالف او سبب كتم الفولت ---وانا اسف اخر شئ الفوتوكبلر ازاى اعرف انة تالف وياريت التوضيح بالشرح ولو فيه صور او فيديو وبارك الله فيكم

[mohamed elsafory]

اولا نبدا بترانزستورtl431اما عن طريقه قياسه في سهله جدا اولا هتخلي الافو علي وضع10كيلو اوم
اولاهتقيس كل الرجول عادي لازم كله يعطي لك قراءه ماعدا الرجل 3 مع2 و3 مع 1 واليك صوره توضح لك كيفيه وضع الترنزستور للقياس وايضا صوره تساعدك في القياس

ملحوظه الصوره المرفقه الي بها الالون هيه صوره لقيتها بالصدفه يعني مش من تصميمي للامانه بس هتسهل علينا كتير المهم فيما معناها اللون الاحمر هو الطرف الاحمر في الافو واللون الاسود هوة الطرف الاسود في الافو
وهيه توضح وضع الاطراف وجمبها كلمه اوك يعني لو قاس يبقي تمام اما الي مكتوب جمبهاno لو قرا معاك يبقي الترانزستور تالف شوفها وانا متابع معاك

[mohamed elsafory]

ثانيا طريقه قياس السليكونات اولا في العام كده المفروض السليكون يعطي لك قراءه واحده فقط ده بالنسبه للسليكونات قبل الشوبر
انما اي سليكون بعد الشوبر اولا هتخل الافو علي وضع الصفاره لو اعطاك صفاره مستمره كده يبقي تالف انما لو لم يعطي صفاره بكده لابد من نزعه من علي الباور او حتي ممكن عادي لو تنزع طرف واحد منه وتقيسه لو اعطاك قراءتين كده يبقي تالف انما لو قيست واعطاك قراءه واحده كده يبقي تمام وسليم

[mohamed elsafory]

اما عن طريق قياس الفوتو كابلر فمش عايزك تتعب نفسك في قياسه وتشغل بالك انت لانه هو عباره عن منظم للجهد فلو الجهد علي مشط الباور في زياده في الفولت او انخفاض او قطع نهائي للفولت فده احد اسبابه انما لو انتا محتاج طريقه قياسه بالتفصيل الممل قولي وانا برده هقولك طالما طلبت بس نصيحه مني مش ده الي تقيسه وتشغل دماغك بيه

[حسنى ايمن]

ربنا يبارك فيك ياستاذ محمد يارب انت الوحيد اللى مابتبخلش علينا بأى معلومة ونتمى على طول كدة -----ياريت بعد اذنك تذكر لى اى عنصر هتشرحه هل القياس بالكهرباء ولا بدون توصيلة بالكهرباء لان ده مهم بالنسبه لى ----وانا معنديش 10 كيلو اوم فى الافو انا عندى 20 كيلو هل ينفع---اخر شئ ياريت قياس الدرايفر علشان اعرف هل هو تالف او لا مع قياس الفوتوكبلر وانا اسف لتعبك معايا واحنا كل شئ بنتعلمه منكم وبارك الله فيكم

[حسنى ايمن]

ارجو الرد يأستاذ محمد

[mohamed elsafory]

المشاركة الأصلية كتبت بواسطة حسنى ايمن

ربنا يبارك فيك ياستاذ محمد يارب انت الوحيد اللى مابتبخلش علينا بأى معلومة ونتمى على طول كدة -----ياريت بعد اذنك تذكر لى اى عنصر هتشرحه هل القياس بالكهرباء ولا بدون توصيلة بالكهرباء لان ده مهم بالنسبه لى ----وانا معنديش 10 كيلو اوم فى الافو انا عندى 20 كيلو هل ينفع---اخر شئ ياريت قياس الدرايفر علشان اعرف هل هو تالف او لا مع قياس الفوتوكبلر وانا اسف لتعبك معايا واحنا كل شئ بنتعلمه منكم وبارك الله فيكم

لا ياغالي اي قياس للقطع الالكترونيه بيتم قياسها وانتا فاصل الكهرباء الا في حاله واحده فقط الي هيه لما تقيس الفولت علي المكثف الكبير او تقيس الفولت علي اي قطعه انما قياس المقاومات والموحدات وغيرها بتتقاس وانتا فاصل الكهرباء وممكن تقيس عادي علي 20 كيلواوم بس انا بقولك للادق يعني 10كيلو اوم

[حسنى ايمن]

السلام عيك ياستاذ محمد ----حضرتك لم تذكر لى قياس الفوتوكبلر والدرايفر اللى فى الباور ونا اسف اننا بطول عليك ولكن لى اسئلة اخرى اتمنى ان يتسع صدرك لها ولكن بعد اجابة الاسئلة السابقة ------وهناك يشخص يقول ان ترانسستور tl 431 لايقاس ياريت تصحيح المعلومة وبارك الله فيك

[mohamed elsafory]

المشاركة الأصلية كتبت بواسطة حسنى ايمن

السلام عيك ياستاذ محمد ----حضرتك لم تذكر لى قياس الفوتوكبلر والدرايفر اللى فى الباور ونا اسف اننا بطول عليك ولكن لى اسئلة اخرى اتمنى ان يتسع صدرك لها ولكن بعد اجابة الاسئلة السابقة ------وهناك يشخص يقول ان ترانسستور tl 431 لايقاس ياريت تصحيح المعلومة وبارك الله فيك

بص ياغالي بالنسبه لموضوع ان حد قالك ان الترانزستور tl431لايقاس طبعا مش هقدر الومه لانه اكيد عمره ماجرب يقيسه لان بمنتهي البساطه القطع الي زاي ده والفوتوكابلر والدرايفر وكثير من القطع محدش بيفكر انه ممكن يقيسها ويتعب نفسه فيها مبيديهاش اكثر من حجمها يعني وبمجرد الشك بها انها تالفه يقوم باستبدالها علي الفور لانه من الاخر لو حتي الباور كله تالف ممكن تستبدله بباور اخر غير البورده ياريت تكون فهمتني ومع ذالك الترانزستور ده بيتقاس ولو مش مصدق جرب وللتدقيق اكثر هات افو به تدريج 10 كيلو اوم وشوف بنفسك وانا برده تحت امرك في اي شيئ

[حسنى ايمن]

اخى احبيب محمد ارجو ان لاتزعل انا بستفسر منك فقط لانى اثق فيك ثقه كبيرة جدا ---وارجو الاجابة على سؤالى السابق قياس الفوتوكبلر والدرايفر اللى فى الباور وبارك الله فيك

[سامح3003]

المشاركة الأصلية كتبت بواسطة mohamed elsafory

اولا نبدا بترانزستورtl431اما عن طريقه قياسه في سهله جدا اولا هتخلي الافو علي وضع10كيلو اوم
اولاهتقيس كل الرجول عادي لازم كله يعطي لك قراءه ماعدا الرجل 3 مع2 و3 مع 1 واليك صوره توضح لك كيفيه وضع الترنزستور للقياس وايضا صوره تساعدك في القياس

ملحوظه الصوره المرفقه الي بها الالون هيه صوره لقيتها بالصدفه يعني مش من تصميمي للامانه بس هتسهل علينا كتير المهم فيما معناها اللون الاحمر هو الطرف الاحمر في الافو واللون الاسود هوة الطرف الاسود في الافو
وهيه توضح وضع الاطراف وجمبها كلمه اوك يعني لو قاس يبقي تمام اما الي مكتوب جمبهاno لو قرا معاك يبقي الترانزستور تالف شوفها وانا متابع معاك

المشاركة الأصلية كتبت بواسطة mohamed elsafory

ثانيا طريقه قياس السليكونات اولا في العام كده المفروض السليكون يعطي لك قراءه واحده فقط ده بالنسبه للسليكونات قبل الشوبر
انما اي سليكون بعد الشوبر اولا هتخل الافو علي وضع الصفاره لو اعطاك صفاره مستمره كده يبقي تالف انما لو لم يعطي صفاره بكده لابد من نزعه من علي الباور او حتي ممكن عادي لو تنزع طرف واحد منه وتقيسه لو اعطاك قراءتين كده يبقي تالف انما لو قيست واعطاك قراءه واحده كده يبقي تمام وسليم

المشاركة الأصلية كتبت بواسطة mohamed elsafory

اما عن طريق قياس الفوتو كابلر فمش عايزك تتعب نفسك في قياسه وتشغل بالك انت لانه هو عباره عن منظم للجهد فلو الجهد علي مشط الباور في زياده في الفولت او انخفاض او قطع نهائي للفولت فده احد اسبابه انما لو انتا محتاج طريقه قياسه بالتفصيل الممل قولي وانا برده هقولك طالما طلبت بس نصيحه مني مش ده الي تقيسه وتشغل دماغك بيه

[mohamed elsafory]

المشاركة الأصلية كتبت بواسطة حسنى ايمن

اخى احبيب محمد ارجو ان لاتزعل انا بستفسر منك فقط لانى اثق فيك ثقه كبيرة جدا ---وارجو الاجابة على سؤالى السابق قياس الفوتوكبلر والدرايفر اللى فى الباور وبارك الله فيك

انا مش زعلان ياغالي ولاكن عايز تاخد بالك من ان في ناس للاسف حافظه مش فاهمه يعني ممكن تلاقي الردود متشابهه في بعض الاحيان وياريت تفهم انا اقصد ايه بمعني اصح ان الردود الخاصه باسالتك في بعض المنتديات الاخري بدون ذكر اسماء ردودرمتشابه وانا تارك التعليق لك ــــــــــــــــــــــــــــــــــــــــــــ

اما بخصوص سؤالك عن طريقه قياس الدرايفر فده لايقاس يعني من الاخر صعب تحديد سلامته من تلفه عن طريق القياس
ثانيا بخصوص الفوتوكابلر انا هقولك علي اسهل طريقه لقياسه
هتخلي الافو علي وضع الصفاره
ثانيا انتا عندك اربع ارجل تمام هتقيس كل رجلين جمب بعض
في رجلين هيعطوك قراءه في الناحيتين والقراءه دي بتكون اعلي من 500
والرجلين الاخرين هيعطيك قرائه واحده فقط يعني نفس قياس الموحد جهه واحده فقط

بالنسبه لمعرفه انه تالف ام لا ـــــــــــــــــــــ

لو اعطاك صفاره عند قياس اي طرفين فيه كده يبقي تالف
ثانيا لو اعطاك قراءه في جميع الاتجاهات ايضا يبقي تالف
اي حاجه تانيه غير كده يبقي سليم

[mohamed elsafory]

المشاركة الأصلية كتبت بواسطة سامح3003

شكرا لك ياغالي

[حسنى ايمن]

بارك الله فيك ياغلى انسان -------سؤالى عن الفلاشة وكيفية معرفة ان العيب منها وبارك الله فيك وجعلك عونا للجميع

[mohamed elsafory]

المشاركة الأصلية كتبت بواسطة حسنى ايمن

بارك الله فيك ياغلى انسان -------سؤالى عن الفلاشة وكيفية معرفة ان العيب منها وبارك الله فيك وجعلك عونا للجميع

تحت امرك
بالنسبه لموضوع الفلاشه ليس لها قياس اما بالنسبه لمعرفت اذا كان العيب منها ام لا لازم تقولي الاول انتا تقصد اي عيب علي العموم
من ضمن مشكلها
انها لما بتنزل ملف او سوفت خطا للرسيفر وميقبلشي سوفت الاصلاح او الفلاشه بيكون العيب فيها ولابد من شحنها
ثانيا عدم حفظ ملف القنوات بعد تنزيله ايضا بيبقي من اسبابها
وان الجهاز جايب لمبه حمره بعد تنزيل ملف خطا
كل ده من اسببها وصعب تحديد انها تالفه ام لا الا بعد معرفه ايه هوة مشكله الجهاز وبعدها نقدر نحدد تلفها من سلامتها