الاعطال الميكانيكية للماتور وعلاجها من واقع الخبرة العملية .. موضوع في غاية الاهمية

[طارق الصعيدي10]

الاعطال الميكانيكية للماتور وعلاجها من واقع الخبرة العملية .. موضوع في غاية الاهمية
كتب مهندس / طارق الصعيدي



اقوم بشرح للاعطال الميكانيكية لماتور الحركة للطبق بطريقة شرح مبسطة ومن واقع خبرتي العملية في مجال التركيبات وقد نجحت والحمد للة في علاج معظم اعطال المواتير الميكانيكية من خلال هذا الشرح
معظم اعطال ماتور الحركة بتكون من اكسدة محور الحركة في الطبق (او الزراع الداخلي للماتور ) وينتج عنة توقف وثبات الموتور في مكانة وقد قابلتني هذة المشكلة باكثر من موتور
الكل يسأل الان حليت المشكلة دي ازاي باعم طارق الصعيدي؟
اقولكم ازاي
اول حاجة نفك المسمار العلوي لزراع الموتور ونقوم بادخال عصا معدنية او مفك بطول 30 سم او اكثر في الفتحة المخصصة للمسمارفي الزراع وابدا بلف الاسطوانة الداخلية يميناً ويساراً حتي يخرج الزراع الداخلي من الاسطوانة الخارجية
طيب نعرف ازاي ياباشمهندس طارق الصعيدي ان كل الزراع الداخلي خرج برة ؟
اقولكم ازاي لابد ان يكون طول الزراع الداخلي اللي خرج يساوي طزل الاسطوانة الخارجية تقريباً
تمام كدة ؟
تمام
بعد كدة خليكوا معي
حنجيب صنفرة معادن يعني صنفرة حديد ؟ ايوة
او حجر جلي او صاروخ تنعيم ونظف اثار الاكسدة اللي علي زراع الماتور الداخلي اللي خرج برة وبعد كدة بقطعة قماش مبللة بزيت موتور السيارات ثم نقوم بادخال الزراع لمكانها تاني
صدقوني انا جربت هذة الطريقة مع اكثر من موتور كان واقف وجدت انا الماتر اصبح يتحرك بمنتهي السهولة والليونة لاننا نظفنا كل الاوساخ والصدأ اللي كان علي الزراع الداخلي
فية حاجة مهمة كمان وهي :
محور الحركة للطبق يتعرض للصدأ ويسبب عطل الموتور
ازاي نعالجة ياباشمهندس طارق ؟
اقولكم ازاي
1-نفك الموتور من الطبق
2-نلف صامولة المحور في اتجاة الفك بمقدار لفة او لفتين
3- نمسك ذراع الطبق المخصص للربط في الموتور ونخلي ايدنا بديلة للماتور ونسكب زيت الفرامل او الباكم( نركز رجاء علي الزيت دة )حتي يتشبع المحوروذلك اثناء تحريك الطبق شرقاً وغرباً بسرعة وبقوة حتي يلين الطبق بين يدينا
طيب اية هي الاسباب االلي ادت الي اعطال الحركة الميكانيكية ؟
1-ترك الطبق بدون حركة لفترة قد تصل لشهور مما يؤدي الي تراكم الاصداء علي الموتور والمسامير والمحاور
2- ربط المسمار بتاع محور الطبق بقوة وجامد اكثر من اللازم مما يسبب طقطقة وصوت مزعج لما نيجي نحرك الطبق

تقبلوا تحياتي
مهندس
طارق الصعيدي

للمزيد من مواضيعي

[طه ابوالجود]

بارك الله فيك اخى الغالى

[hassanelaiwa]

الف شكر اخى بارك الله فيك

[مدحت الجزيرة]

شرح ممتاز وعمل جيد

[الطحانe]

شكرا للمهندس طارق على كل ما يقدمة من اعمال هامة وينتفع منها الجميع بارك الله فيك وجعلة فى ميزان حسناتك

[noor2221]

بارك الله فيك اخى الغالى

[ahmed aliraqi]

بارك الله فيك اخى الغالى