|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||||
|
|||||||||||
نصائح غاليه لعزومات الخطوبه الرومانسيه
أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه
1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا 2 - العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة 3 - الشوووربة.. أبوس كعب رجلك.. بند الشوربة ده مهم جدًاااا الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميليه.. عشان تلهطيها لآخر نقطة 4 - الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه 5 - المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود 6 - السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك 7 - الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا في عرضك إنسي المصمصة دلوقتي 8 - البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي 9 - الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي 10 - ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيهوبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّوبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا منقووووووووول |
13/4/2008, 01:22 PM | رقم المشاركة : ( 2 ) | ||||
مـهـندس مـحـتـرف
|
رد: نصائح غاليه لعزومات الخطوبه الرومانسيه
نصايح جميله لكل شاب وفتاه .......................من المهندسين والى المهندسين نعود ابو عدنان .....
|
||||
13/4/2008, 01:22 PM | رقم المشاركة : ( 3 ) | ||||
مـهـندس مـحـتـرف
|
رد: نصائح غاليه لعزومات الخطوبه الرومانسيه
عدنان .....نصايح جميله لكل شاب وفتاه ........................من المهندسين والى المهندسين نعود ابو
|
||||
13/5/2008, 01:24 PM | رقم المشاركة : ( 4 ) | ||||
مـهـند س مـحـتـرف
|
رد: نصائح غاليه لعزومات الخطوبه الرومانسيه
مشكورررررر موضوع جامد
|
||||
18/5/2008, 02:38 PM | رقم المشاركة : ( 5 ) | |||
Guest
|
رد: نصائح غاليه لعزومات الخطوبه الرومانسيه
المهندسين العرب فوق القمه كل الفخر للمهندسين العرب
|
|||
27/7/2008, 09:59 PM | رقم المشاركة : ( 6 ) | ||||
نـجـم الـنجوم الـمـميز بـالـمهندسين الـعرب
|
رد: نصائح غاليه لعزومات الخطوبه الرومانسيه
|
||||
22/9/2008, 06:28 AM | رقم المشاركة : ( 7 ) | ||||
مـهـند س مـمـيـز
|
رد: نصائح غاليه لعزومات الخطوبه الرومانسيه
|
||||
3/9/2010, 05:48 AM | رقم المشاركة : ( 8 ) | ||||
مـهـندس مـحـتـرف
|
رد: نصائح غاليه لعزومات الخطوبه الرومانسيه
روعـــــــــــــــــــــــــــــــــــــــــــــه
|
||||
18/1/2011, 04:11 PM | رقم المشاركة : ( 9 ) | ||||
مـهـند س مـحـتـرف
|
رد: نصائح غاليه لعزومات الخطوبه الرومانسيه
لك كل الشكر والتقدير
|
||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~