|
|
أدوات الموضوع | انواع عرض الموضوع |
رقم المشاركة : ( 1 )
|
|||||||||
|
|||||||||
مرقوقنا أحلى مرقوق
مساكم الله بالخير
المقادير بتحسونهم وايد بس بتعودون لو أدمنتوها : ديايه كاملة مقطعه 12 قطعه طبعا حسب تقطيعج وبهارات بحرينيه أو إي بهار عندج و هيل مطحون شوية بس و كزبره ناشفه + طازجه مفرومه شوي بس وشوية شبنت مفروم و فلفل أسود مطحون و كاري وزيت زيتون وراس ثوم كامل مهروس و3 بصلات وسط و هيل ودارسين وكمون ولومي كلهم مو مطحونين وفلفل حار حسب رغبتج أنا أحط 2 و فلفل رومي مقطع وورق غار 2 و ملح و علبة ونص معجون والخضار : كوسه وجزر وبطاط كلهم مقطعين ولا ننسا خبز صاج نروح للطريقه بالجدر حطي زيت الزيتون وأحمسيه مع البصل والثوم والفلفل الرومي بعدين ضيفي اللومي والهيل والدارسين والكمون ( الصحيح ) لين ماتطلع ريحتهم بعدين ضيفي الشبنت والكزبره الطازجين راح تطلع الريحه عجيبه وبعدها ضيفي الدياي المقطع مع الفلفل الحار وقصيه بالنص وحطي كل البهارات الباجيه مع الملح وقلبي الدياي بعدين سكري عليه لمدة نص ساعه عشان الدياي يكسب طعم الخلطه بعدها ضيفي ماي لين مايغطي الدياي وفوقه بشوي وضيفي خضارج المقطع مع المعجون إذا تبون مرقته رايبه حطو 2 معجون وقلبو لين مايتجانسون وخلوه جذي الين مايستوي الخضار وتحسون المرقه صارت ثخينه بعدها نجبيه أنا هني نجبته بسرعه مافيهم صبر ولا جان الخبز شرب المرقه يطلع زوووغه وتمتعوا بأحلى مرقوق بالدنياا وطبعا تقدرون تستبدلونه باللحم دوم أسويه باللحم والدياي بعد مايقل عنه |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Google Adsense Privacy Policy | سياسة الخصوصية لـ جوجل ادسنس
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~